အပါယ်ဆိုတာ
အပါယ်ခံဘ၀မှာ အပါယ်ဆိုတာက ဘာလဲဆိုတာ သိဖို့ လိုလာပါတယ်။ အပါယ်ဆိုတဲ့ စကားဟာ အပါယလို့ ခေါ်တဲ့ ပါဠိစကားမှ ဆင်းသက်လာတဲ့ ပါဠိသက်စကား ဖြစ်ပါတယ်။ (အပ = ကင်းတယ် + အယ = ချမ်းသာ၊ အပါယ = ချမ်းသာကင်းတယ်) ချမ်းသာ ကင်းတယ်ဆိုတော့ ဆင်းရဲဒုက္ခရောက်တယ်လို့ ပြောရမှာ ပေါ့။ ချမ်းသာ ကင်းတဲ့အရပ်၊ ချမ်းသာ ကင်းတဲ့ဘုံကို အပါယ်လို့ ခေါ်ပါတယ်။ လူချမ်းသာ, နတ်ချမ်းသာ, နိဗာန် ချမ်းသာဆိုတဲ့ ပြည့်စုံမှု (သမ္ပတ္တိ)သုံးမျိုးမှ ကင်းတဲ့အရပ်ကို ဆိုလိုပါတယ်။ ကုသိုလ်ကောင်းမှုတွေကို ပြုခွင့် များစွာ မရ၊ အကုသိုလ်တွေသာ များပြားလှတဲ့ ဘုံဌာနပါပဲ။ ဒီအပါယ်အရပ်သို့ မကောင်းမှု ဒုစရိုက်တွေကို ပြုလုပ်သူတွေ ရောက်တတ်ပါတယ်။ အပါယ်ကျမှာတော့ လူတိုင်း ကြောက်ကြတယ်၊ စိုးရိမ်ကြတယ်။ ဘာလို့လဲ။ ဆင်းရဲတာကိုး။ ဆင်းရဲဒုက္ခ ရောက်မှာ၊ အပါယ်ကျမှာကို ကြောက်ရင် မကောင်းမှု ဒုစရိုက်တွေကို မပြုလုပ်မိ အောင် သတိပြုရမှာ ဖြစ်ပါတယ်။
မကောင်းတဲ့ အကုသိုလ်တရားတွေ၊ သားရေး သမီးရေး စီးပွားရေး ကြီးပွားရေးတွေမှာ အချိန်ကုန်ပြီး မေ့လျော့နေသူများ၊ ကုသိုလ်ကောင်းမှု ပြုဖို မေ့နေကြသူများအတွက် အပါယ်လေးဘုံဟာ မိမိတို့ရဲ့ ကိုယ်ပိုင် အိမ်ကြီးနဲ့ တူတယ်လို့ မြတ်စွာဘုရား မိန့်ကြားထားတာ ရှိပါတယ်။
ပမတ္တဿ ဟိ စတ္တာရော အပါယာ သကဃရသဒိသာ-တဲ့။ (ဓမ္မပဒ ဋ္ဌ၊ ၁၊ ၁၆၆)
ပမတ္တဿ ဟိ = ဘုရား တရား သံဃာ - ရတနားသုံးပါး၊ ဆရာမိဘဆိုတဲ့ အဖော်ကောင်းကို ရှောင်၊ ကုသိုလ် အဖော်ကောင်းကို ရှောင်ပြီးတော့ အဖော်ယုတ်နဲ့တူတဲ့ သားရေး သမီးရေး စီးပွားရေး ကြီးပွားရေး အကုသိုလ် အရေးတွေနဲ့ အချိန်ကုန် မေ့လျော့နေတဲ့သူအတွက်၊ စတ္တာရော အပါယာ = ငရဲ တိရိစ္ဆာန် ပြိတ္တာ အသုရကာယ်လို့ ခေါ်တဲ့ အပါယ်လေးဘုံတို့ဟာ၊ သကဃရသဒိသာ = မိမိတို့ရဲ့ ကိုယ်ပိုင်အိမ်ကြီးများနဲ့တူတယ် လို့ ဟောတော်မူထားပါတယ်။
No comments:
Post a Comment