စကားအရာအင်္ဂါ(၁၀)ပါး

၁။ ကာလ၀ါဒီ =ပြောချိန်သင့်မှ ပြောရခြင်း၊
၂။ ဘူတ၀ါဒီ =အခြေအမြစ်ဖြင့်ပြောရခြင်း။
၃။ ဓမ္မ၀ါဒီ =မှန်ကန်သောတရားဖြင့် ဖြစ်ခြင်း။
၎။ အတ္တ၀ါဒီ =အကျိုးစီးပွားနှင့် စပ်ဆိုင်ရခြင်း။
၅။ ပိယ၀ါဒီ =ချစ်ဖွယ်သောစကား ဖြစ်ရခြင်း။
၆။ မိဟိတပုဗ္ဗ၀ါဒီ =ပြုံးရွှင်မှုရှေ့ထား၍ ပြောရခြင်း။
၇။ မိတဘာဏိ =မတိုမရှည် ချင့်ချိန်၍ ပြောရခြင်း။
၈။ အတုရိတ၀ါဒီ =အလောတကြီးမပြောခြင်း။
၉။ ပေါရီ =မြိုးကြီးသူမြို့ကြီးသားတို့ အသုံးအနှုံး ဓလေ့ကိုယူ၍ ယဉ်ကျေးစွာပြောရခြင်း။
၁၀။ဝိသဒ၀ါဒီ =ပြတ်သားစွာ ပြောရခြင်း။

(ဦးသုခ)

အားမှသေမှာလား သေမှအားမှာလား

ကမ္ဘာပေါ်မှာ နေ့စဉ်နဲ့အမျှ
လူတွေမရေမတွက်နိုင်အောင် သေနေကြတာ၊
အားလို့သေတဲ့ မသာ
တစ်ယောက်မှမရှိပါဘူး။
အားတဲ့ကြားထဲက
သေသွားကြတဲ့ မသာတွေချည်းပါပဲ။
သေမင်းက သူခေါ်ချိန်တန်ရင်
အားတဲ့သူကိုလည်းခေါ်မှာပါ၊
မအားတဲ့သူကိုလည်းခေါ်မှာပါ၊
သေမင်းမှာတပည့်မွေးပြီး
တပည့်မွေးပြီး လူရွေးတဲ့သူမရှိပါဘူး။
ဒီတော့မအားတဲ့ကြားထဲက
သေမင်းလာခေါ်ရင်
အချိန်မရွေး လိုက်သွားရမှာပဲ
ဆိုတာကို ကြိုတင်ပြီးတော့
နှလုံးသွင်းဆင်ခြင်ထားမယ်ဆိုရင်
မအားလို့ပါဆိုတဲ့ အကြောင်းပြချက်နဲ့
တရားဓမ္မကို
မျက်နှာလွှဲတဲ့အဖြစ်ကို
ရောက်မှာမဟုတ်တော့ပါဘူး။
(အရှင်ဆန္ဒာဓိက)

အားမှလုပ်မယ် အားမှလုပ်မယ်ဆိုပြီး အားရက်ကိုစောင့်မယ်ဆိုလို့ရှိရင်
"ခေါင်း"ထဲဝင်တဲ့နေ့ပဲ။ ဒီလိုဖြစ်ရင် အားရက်ကို မစောင့်နဲ့တော့။
ဒီကနေ့သည် ကိုယ့်အတွက်မနက်ဖြန်သည်ကို့်အတွက် မဟုတ်ဘူးလေ။အနာဂတ်ဆိုတာ
မသေချာဘူးတဲ့။ မတော်ကွေးသောလက်မဆန့်ခင်၊ ဆန့်သောလက်မကွေးခင်
ဆိုသလို ညသေသွား ဘယ်နှယ်လုပ်မလဲ ကိုယ်ကျိုးမနည်းဘူးလား။
(၀ိပဿနာမြင်ကွင်းဓမ္မရသစာစုမှ)

တစ်ရာနှင့်တစ်ရက်

'သီလမရှိသူရဲ့ အနှစ်တစ်ရာအသက်ရှင်ရခြင်းထက် သီလရှိသူရဲ့တစရက်တာအသက်ရှင်ရခြင်းက
အဆပေါင်းများစွာ ပိုပြီး မြင့်မြတ်ပါတယ်' (ဗုဒ္ဓ)
ကာယကံအမှားအယွင်းများ ရှောင်ကြဉ်မှု၊ ၀စီကံအလွဲအချော်များစောင့်ထိန်းမှုကို သီလလို့ခေါ်ပါတယ်
မပြုသင့်တဲ့ ကိူယ်မှုလုပ်ရပ်တွေ မပြု၊ မပြောသင့်တဲ့နှုတ်ထွက်စကားတွေ မပြောဘဲ ကိုယ်နဲ့နှုတ်ကိုစောင့်စည်း
ထိန်းသိမ်းနိုင်တဲ့သူဟာ သီလရှိတဲ့သူပါ။
ကိုယ်အမှား၊ နှုတ်အမှားကို ပြုထားတဲ့သူ(သီလမရှိတဲ့သူ)ရဲ့စိတ်အစဉ်ဟာ နောင်တတရားတွေနဲ့ပူလောင်
ကျွမ်းမြိုက်နေပါတယ်။စိတ်ပူလောင်နေသူတစ်ယောက်ရဲ့ ကြံစည်တွေးခေါ်မှု၊ဆုံးဖြတ်လုပ်ကိုင်မှုတွေဟာ အမှားတွေချည်းဖြစ်နေမှာပါ၊ ဒါမှမဟုတ် အမှားတွေရောနှောနေမှာပါ။ဒါနဆိုတာမှန်ကန်တဲ့လုပ်ရပ်တစ်ခုပါ။
ဒါပေမဲ့ သီလမရှိသူရဲ့ဒါနဟာ ကြွက်ချေးရောနေတဲ့ ဆွမ်းဆန်လို ဖြစ်နေလို့အကျိုးပေးမစင်ကြယ်နိုင်ပါဘူး။
သီလရှိသူရဲ့ ဒါနကတော့ အမွှေးသေတ္တာထဲလှောင်ထားတဲ့ သလေးဆန်နဲ့ အလားလို့ အကျိုးပေးလည်းစင်ကြယ်၊
အကျိုးရလည်း ကြီးကျယ်ခမ်းနားပါတယ်။
သီလမရှိတော့ စိတ်မအေးချမ်း၊ စိတ်မအေးချမ်းတော့ စိတ်မတည်ငြိမ်၊ စိတ်မတည်ငြိမ်တော့ အသိဥာဏ်
မထွက်၊ သီလပျက်ရင် သမာဓိရော၊ ပညာရောဖြစ်ခွင့်မရှိတော့ပါဘူး။ သီလရှိရင်တော့ စိတ်အေးချမ်းတဲ့အတွက် သမာဓိရောပြည့်ပြည့်၀၀ အားကောင်းနိုင်ပါတယ်..
(အရှင်ဆန္ဒဓိက)

မိတ်ဆွေတုနှင့် မိတ်ဆွေစစ်

အဆွေဟုခေါ်၍ မျက်မှောက်၌သာ အဖော်သဟဲပြုလျက် မျက်ကွယ်၌ ရန်သူလိုဖြစ်သောသူသည် ဟန်ဆောင်မိတ်ဆွေမည်သည်။ အကြင်သူသည် အကြောင်းကိစ္စပေါ်လတ်သော် အဖော်သဟဲပြု၏၊ ထိုသူသည် မိဆွေစစ်မည်၏။
လောက၌ မိတ်ဆွေစစ်နှင့်ဝေး၍၊ မိတ်ဆွေတုနှင့် ပေါင်းသင်းမိက အကျိုးစီးပွားပျက်ပြားခြင်းကို မုချကြုံရပေအံ့။
မိတ်ဆွေတု (၄) မျိုး
၁။ “အညဒတ္တုဟရ” မိမိထံမှသာ လာရောက်ယူဆောင်လေ့ရှိသော မိတ်ဆွေတု။
၂။ “၀စီပရမ” နှုတ်ဖြင့်သာ လိုလားယောင်ပြုလုပ်လျက် တစ်စုံတစ်ရာ လက်မပါသော မိတ်ဆွေတု။
၃။ “အနုပ္ပိယဘာဏီ” အကြိုက်လိုက်၍ ပြောဆိုတတ်ပြီး ကွယ်ရာတွင် ရန်သူသဖွယ် ပြုတတ်သော မိတ်ဆွေတု။
၎။ “အပါယသဟာယ” ပျက်စီးကြောင်း၌သာ အပေါင်းဖော်ဖြစ်သော မိတ်ဆွေတု။
၁။ အညဒတ္တုဟရ မိတ်တုအင်္ဂါ (၄) ပါး
၁။ ယူသာယူတတ်၏။
၂။ နည်းသောဥစ္စာကို ပေးခြင်းဖြင့် များစွာသောဥစ္စာကို အလိုရှိ၏။
၃။ မိမိဘေး ကြုံခိုက်သာ မှီခို၍ အမှုကိစ္စဆောင်ရွက်ပေးပြီး ဘေးလွတ်သောအခါ ပြန်မကြည့်သတိရမှု မရှိခြင်း။
၎။ အကျိုးစီးပွားရလိုသောကြောင့် ချဉ်းကပ်ခြင်း။
၂။ ၀စီပရမ မိတ်တုအင်္ဂါ (၄) ပါး
၁။ လွန်ပြီးသော အကြောင်းအရာဖြင့် ချီးမြှောက်ခြင်း။
၂။ မဖြစ်သော အကြောင်းအရာဖြင့် ချီးမြှောက်ခြင်း။
၃။ အချီးအနှီး လောကွတ်ဖြင့် ချီးမြှောက်ခြင်း။
၎။ ဖြစ်ဆဲကိစ္စတို့၌ ပျက်စီးခြင်းကို အကြောင်းပြု၍ ချီးမြှောက်ခြင်း။
၃။ အနုပ္ပိယဘာဏီ မိတ်တုအင်္ဂါ (၄) ပါး
၁။ မကောင်းမှု၌ တိုင်ပင်သည်ကိုလည်း ခွင့်ပြုခြင်း။
၂။ ကောင်းမှု၌ တိုင်ပင်သည်ကိုလည်း ခွင့်ပြုခြင်း။
၃။ မျက်မှောက်၌ ချီးမွမ်းစကားဆိုခြင်း။
၎။ မျက်ကွယ်၌ ကဲ့ရဲ့စကားဆိုခြင်း။
၎။ အပါယသဟာယ မိတ်တုအင်္ဂါ (၄) ပါး
၁။ သေရည်အရက် သောက်စားခြင်းတို့၌ အပေါင်းဖော်ဖြစ်၏။
၂။ အခါမဲ့သွားလာခြင်း၌ အပေါင်းအဖော်ဖြစ်၏။
၃။ ပွဲလမ်းသဘင်ပျော်ရွှင်လိုက်စားမှု၌ ပေါင်းဖော်ဖြစ်၏။
၎။ လောင်းကစားခြင်း၌ အပေါင်းဖော်ဖြစ်၏။

မိတ်စစ် မိတ်ကောင်း (၄)မျိုး
၁။ “ဥပကာရ” ကျေးဇူးပြုတတ်သော ကောင်းသော စိတ်နှလုံးရှိသည့် မိတ်ဆွေစစ်။
၂။ “သမာနသုခဒုက္ခ” ချမ်းသာအတူ၊ ဆင်းရဲလည်းအတူဖြစ်သော ကောင်းသောစိတ်နှလုံးရှိသည့် မိတ်ဆွေစစ်။
၃။ “အတ္တက္ခာရီ” အကျိုးစီးပွားကို ပြောကြားတတ်သော ကောင်းသောစိတ်နှလုံးရှိသည့် မိတ်ဆွေစစ်။
၎။ “အနုကမ္ပက” အကျိုးစီးပွားကို အစဉ်စောင့်ရှောက်တတ်သည့် စိတ်နှလုံးကောင်းရှိသည့် မိတ်ဆွေစစ်။
၁။ ဥပကာရ မိတ်ဆွေစစ်အင်္ဂါ (၄) ပါး
၁။ မူးယစ်နေခြင်းဖြင့် မေ့လျော့နေသော မိတ်ဆွေကို စောင့်ရှောက်တတ်၏။
၂။ မိတ်ဆွေ၏ ပစ္စည်းဥစ္စာကို စောင့်ရှောက်တတ်၏။
၃။ ကြောက်ရွံ့နေသော မိတ်ဆွေ၏ အားကိုးရာဖြစ်၏။
၎။ ပြုဖွယ်ကိစ္စဖြစ်ပေါ်လာက အကူအညီတောင်းခံသည်ထက် နှစ်ဆသော စည်းစိမ်အထောက်အပံ့ကို ပေးတတ်၏။
၂။ သမာနသုခဒုက္ခ မိတ်ဆွေစစ်အင်္ဂါ (၄) ပါး
၁။ လျှို့ဝှက်တတ်သော စကားကိုပြောကြားတတ်ခြင်း။
၂။ မိတ်ဆွေ၏ လျှို့ဝှက်အပ်သောအမှုကို လုံခြုံအောင် လျှို့ဝှက်ခြင်း။
၃။ ဘေးရန်ရှိသောအခါ စွန့်လွတ်၍ မသွားခြင်း။
၎။ အရေးကိစ္စကြုံလျှင် မိတ်ဆွေအတွက် အသက်ကိုသော်လည်း စွန့်လွတ်နိုင်ခြင်း။
၃။ အတ္တက္ခာရီ မိတ်ဆွေစစ်အင်္ဂါ (၄) ပါး
၁။ မကောင်းမှုမှ တားမြစ်တတ်၏။
၂။ ကောင်းမှု၌ တိုက်တွန်း နှိုးဆော်တတ်၏။
၃။ မကြားဖူးသော အကြားအမြင် ဗဟုသုတများကို ပြောကြားတတ်သည်။
၎။ နတ်ရွာ နိဗ္ဗာန်ရောက်ကြောင်း ကောင်းသောတရားကို ပြောကြားတတ်၏။
၎။ အနုကမ္ပက မိတ်ဆွေစစ်အင်္ဂါ (၄) ပါး
၁။ မိတ်ဆွေ၏ ဆုတ်ယုတ်ပျက်စီးခြင်းကို မနှစ်သက်။
၂။ မိတ်ဆွေ၏ အကျိုးစီးပွား ဖြစ်ထွန်းကြီးပွားခြင်းကို နှစ်သက်၏။
၃။ မိတ်ဆွေအား ကျေးဇူးမဲ့ ကဲ့ရဲ့စကား ပြောကြားသူကို ကန့်ကွက်တားမြစ်တတ်၏။
၎။ မိတ်ဆွေအား ချီးမွမ်းစကားပြောကြားသူကို ထောက်ခံတတ်၏။

အပါယ်ခံဘ၀

`အပါယ်ခံဘ၀´နှင့် `အပယ်ခံဘ၀´တို့ဟာ အသံထွက်အားဖြင့် တူကြပါတယ်။ အနက် အဓိပ္ပါယ်တော့ နဲနဲကွဲပြားပါတယ်။ ဆင်းရဲကြီးနှင့် ဆင်းရဲလေးလို့လဲ ပြောနိုင်ပါတယ်။ အပါယ်ခံဘ၀က ဆင်းရဲကြီး၊ အပယ်ခံဘ၀က ဆင်းရဲလေးပေါ့။ ယေဘုယျအဓိပ္ပါယ်ကတော့ ဆင်းရဲဒုက္ခ ခံရတဲ့ဘ၀လို့ ဆိုပါတယ်။ အပါယ်ခံဘ၀ဟာ အပယ်ခံဘ၀ထက် ပိုပြီးတော့ ဆင်းရဲဒုက္ခကို အဆုံးစွန်ခံရတဲ့ ဘ၀ပါ။ ညှဉ်းပန်း နှိပ်စက်မှုတွေနဲ့ ပြည့်နက်နေတဲ့၊ ဆင်းရဲဒုက္ခအမျိုးမျိုး ခံစားနေရတဲ့ဘ၀။

လူ့လောကမှာ အပယ်ခံရတယ်ဆိုရင် ဆင်းရဲဒုက္ခ မရောက်ဘူးလား။ စိတ်ဆင်းရဲ ကိုယ်ဆင်းရဲတွေ ဖြစ်ရပါတယ်။ ဘယ်လို ပုဂ္ဂိုလ်တွေ အပယ်ခံဘ၀ရောက်ရသလဲဆိုရင် မကောင်းမှု ဒုစရိုက်တွေ ပြုမူနေတဲ့သူတွေ လူ့အသိုင်းအ၀ိုင်းက အပယ်ခံရပါတယ်။ မကောင်းတဲ့ ကိုယ်အမူအရာတွေ၊ မကောင်းတဲ့ ပြောဆိုမှုတွေ၊ မကောင်းတဲ့ ကြံစည် စိတ်ကူးမှုတွေနဲ့ ပြုမူ ပြောဆို ကြံစည်နေတဲ့သူတွေကို လောကသားတို့က ၀ိုင်းပယ် ထားတတ်ကြပါတယ်။ မိသားစုက ၀ိုင်းပယ်ခံရတတ်ပါတယ်။ နောက်ဆုံး ပြစ်မှု ထင်ရှားလာရင် အချုပ်အနှောင် ခံရခြင်း၊ အကျဉ်းထောင်မှာ စံမြန်းရခြင်းဆိုတဲ့ ဆိုးကျိုးတွေ ဖြစ်လာပါတယ်။ ပိုပြီးတော့ လူ့အသိုင်းအ၀ိုင်းက ကြဉ်ဖယ်ခြင်းကို ခံရပါတယ်။ လောကငရဲကို ရင်ဆိုင်နေရခြင်းပါပဲ။

အပါယ်ဆိုတာ

အပါယ်ခံဘ၀မှာ အပါယ်ဆိုတာက ဘာလဲဆိုတာ သိဖို့ လိုလာပါတယ်။ အပါယ်ဆိုတဲ့ စကားဟာ အပါယလို့ ခေါ်တဲ့ ပါဠိစကားမှ ဆင်းသက်လာတဲ့ ပါဠိသက်စကား ဖြစ်ပါတယ်။ (အပ = ကင်းတယ် + အယ = ချမ်းသာ၊ အပါယ = ချမ်းသာကင်းတယ်) ချမ်းသာ ကင်းတယ်ဆိုတော့ ဆင်းရဲဒုက္ခရောက်တယ်လို့ ပြောရမှာ ပေါ့။ ချမ်းသာ ကင်းတဲ့အရပ်၊ ချမ်းသာ ကင်းတဲ့ဘုံကို အပါယ်လို့ ခေါ်ပါတယ်။ လူချမ်းသာ, နတ်ချမ်းသာ, နိဗာန် ချမ်းသာဆိုတဲ့ ပြည့်စုံမှု (သမ္ပတ္တိ)သုံးမျိုးမှ ကင်းတဲ့အရပ်ကို ဆိုလိုပါတယ်။ ကုသိုလ်ကောင်းမှုတွေကို ပြုခွင့် များစွာ မရ၊ အကုသိုလ်တွေသာ များပြားလှတဲ့ ဘုံဌာနပါပဲ။ ဒီအပါယ်အရပ်သို့ မကောင်းမှု ဒုစရိုက်တွေကို ပြုလုပ်သူတွေ ရောက်တတ်ပါတယ်။ အပါယ်ကျမှာတော့ လူတိုင်း ကြောက်ကြတယ်၊ စိုးရိမ်ကြတယ်။ ဘာလို့လဲ။ ဆင်းရဲတာကိုး။ ဆင်းရဲဒုက္ခ ရောက်မှာ၊ အပါယ်ကျမှာကို ကြောက်ရင် မကောင်းမှု ဒုစရိုက်တွေကို မပြုလုပ်မိ အောင် သတိပြုရမှာ ဖြစ်ပါတယ်။

မကောင်းတဲ့ အကုသိုလ်တရားတွေ၊ သားရေး သမီးရေး စီးပွားရေး ကြီးပွားရေးတွေမှာ အချိန်ကုန်ပြီး မေ့လျော့နေသူများ၊ ကုသိုလ်ကောင်းမှု ပြုဖို မေ့နေကြသူများအတွက် အပါယ်လေးဘုံဟာ မိမိတို့ရဲ့ ကိုယ်ပိုင် အိမ်ကြီးနဲ့ တူတယ်လို့ မြတ်စွာဘုရား မိန့်ကြားထားတာ ရှိပါတယ်။

ပမတ္တဿ ဟိ စတ္တာရော အပါယာ သကဃရသဒိသာ-တဲ့။ (ဓမ္မပဒ ဋ္ဌ၊ ၁၊ ၁၆၆)

ပမတ္တဿ ဟိ = ဘုရား တရား သံဃာ - ရတနားသုံးပါး၊ ဆရာမိဘဆိုတဲ့ အဖော်ကောင်းကို ရှောင်၊ ကုသိုလ် အဖော်ကောင်းကို ရှောင်ပြီးတော့ အဖော်ယုတ်နဲ့တူတဲ့ သားရေး သမီးရေး စီးပွားရေး ကြီးပွားရေး အကုသိုလ် အရေးတွေနဲ့ အချိန်ကုန် မေ့လျော့နေတဲ့သူအတွက်၊ စတ္တာရော အပါယာ = ငရဲ တိရိစ္ဆာန် ပြိတ္တာ အသုရကာယ်လို့ ခေါ်တဲ့ အပါယ်လေးဘုံတို့ဟာ၊ သကဃရသဒိသာ = မိမိတို့ရဲ့ ကိုယ်ပိုင်အိမ်ကြီးများနဲ့တူတယ် လို့ ဟောတော်မူထားပါတယ်။

ပညာရှင်တို့၏အဆိုအမိန့်များ

ဗြဟ္မစိုရ်တရာ-၄-ပါး
တန်းတူတွေ့ရင် မေတ္တာဝင်၊ မ၀င်နိုင်က ပြိုင်တတ်သည်၊
ပြိုင်မည့်အစား မေတ္တာပွား၊ စိတ်ထားပြုပြုင် ပြောင်းပါ့မယ်၊
နိမ့်သူတွေ့ရင် ကရုဏာဝင်၊ မ၀င်နိုင်က နိုင်တတ်သည်၊
နိုင်မည့်အစား ကရုဏာပွာ၊ စိတ်ထားပြုပြင် ပြောင်းပါ့မယ်၊
မြင့်သူတွေ့ရင် မုဒိတာဝင်၊ မ၀င်နိုင်က ရွဲ့တတ်သည်၊
ရွဲ့မည့်အစား ဥပေက္ခာပွား၊ စိတ်ထားပြုပြင် ပြောင်းပါ့မယ်၊
စိတ်ကိုလည်းပြင် ရုပ်လည်းပြင်၊ ပြင်ဆင်တိုင်းရ ပြုတိုင်းလှ
သုခုနိဗ္ဗာန် တိုင်လိမ့်မယ်။

ပဋ္ဌာန်းဆရာတော် ဦးဝိသုဒ္ဓ

------------------------

ကြီးပွားကြောင်းတရား

ပျက်တာကိုပြင်၊ ပျောက်လျှင်ရှာဖွေ၊
သုံးလေမျှရုံ၊ ဉာဏ်ထုံသူအား ဦးမထား၊
လေးပါး ကြီးပွားကြောင်း။
ပျက်တာမပြင်၊ ပျောက်လျှင်မရှာ၊
ဗလပွသုံး၊ ဉာဏ်ထုံသူအား အမှူးထား၊
လေးပါး ပျက်စီးကြောင်း။
ရအောင်ပြုလုပ်၊ သိမ်းထုတ်လုံအောင်၊
သုံးစွဲမျှရုံ၊ ပေါင်းထုံမိတ်ကောင်း ကြီးပွါးကြောင်း၊
ကောင်းကောင်းမှတ်ကြပါ။

သီတဂူဆရာတော်

--------------------

ပိုင်တာလုပ်မှ စိတ်အေးရ
ခန္ဓာအငှား၊ အလုပ်များလည်း၊ အငှားတွေသာ၊ လုပ်ရပါ၊ ကိုယ့်ဟာ ဘာမှမဟုတ်။
ကောင်းမှုတရား၊ ကိုယ်ပိုင်များ၊ ကြိုးစားကိုယ့် အလုပ်။
အပိုင်အငှား၊ နှစ်ပါးကြောင်းရာ၊ ဆုံသောခါ၊ ပိုင်တာ ဦးစွာလုပ်။
စိတ်ဓာတ်ကိုမြှင့်၊ လုပ်ပိုင်ခွင့်၊ လမ်းဖွင့် ကြိုးစားလုပ်။